کھلا ہے جھوٹ کا بازار، آؤ سچ بولیں

[sarfraz_qamar]

کھلا ہے جھوٹ کا بازار، آؤ سچ بولیں
نہ ہو بلا سے خریدار، آؤ سچ بولیں

سکوت چھایا ہے انسانیت کی قدروں پر
یہی ہے موقعِ اظہار، آؤ سچ بولیں

ہمیں گواہ بنایا ہے وقت نے اپنا
بنامِ عظمتِ کردار، آؤ سچ بولیں

سنا ہے وقت کا Ø+اکم بڑا ہی منصف ہے
پکار کر سرِ دربار، آؤ سچ بولیں

تمام شہر میں اب ایک بھی نہیں منصور
کہیں گے کیا رسن و دار، آؤ سچ بولیں

جو وصف ہم میں نہیں کیوں کریں کسی میں تلاش
اگر ضمیر ہے بیدار، آؤ سچ بولیں

چھپائے سے کہیں چھپتے ہیں داغ چہروں کے
نظر ہے آئنہ بردار، آؤ سچ بولیں

قتیل جن پہ سدا پتھروں کو پیار آیا
کدھر گئے وہ گنہ گار، آؤ سچ بولیں

قتیل شفائی

[Zindagi]

nice

[lifeislove]

very nice

[~Anjana~]

buhut umdah .

[Hidden words]

[sarfraz_qamar]

thanx to all

[Syed Shah]

Buhat Khobsorat Kush Rahien